Баерн Минхен ќе се обиде да го победи Ливерпул за потписот на Чаби Алонсо, тврди „Тајмс“. Шпанскиот стручњак одлично се претставува оваа сезона со Баер Леверкузен и е главен фаворит на „црвените“ да го замени Јирген Клоп, кој заминува на лето.
Воедно, Баварците по завршувањето на сезоната најверојатно ќе се разделат со Томас Тухел. Германскиот хегемон е на прагот да ја испушти титулата во Германија откако заостанува пет бода зад „аспирините“. Минатиот викенд тимот на Алонсо го победи Баерн со 3-0 во Бундеслигата. Во средината на неделата, Тухел и компанија загубија со 0-1 на гостувањето кај Лацио во првиот натпревар од осминафиналето во Лигата на шампионите.
Идејата на раководството на Баерн е да го заменат Тухел со Алонсо. На „Алијанц Арена“ сепак ќе мора да се борат против Ливерпул, кој исто така има аспирации за шпанскиот тренер.
И Ханзи Флик е опција за Баварците.