Антонов: Постои опасност од директен конфликт меѓу Русија и НАТО во Европа

Русија и НАТО се соочени со опасност од директен вооружен конфликт во Источна Европа, изјави денеска за новинарите рускиот амбасадор во САД, Анатолиј Антонов.

„Ние всушност се соочуваме со опасност од директен конфликт меѓу вооружените сили на Русија и Северноатлантската алијанса во Источна Европа. До неодамна беше невозможно да се замисли дека американските и германските тенкови ќе се движат околу земја што се граничи со Русија“, вели рускиот дипломат во изјавата објавена на Телеграм каналот на руската амбасада, пренесе ТАСС.

Според него, се покажало дека западните воени инструктори и помагаат на украинската армија да оперира со „исклучително скапи воени алатки како што е системот за воздушна одбрана „Патриот“.