Стеф Кари продолжува со тренинзите

Бекот на Голден Стејт Вориорс, Стеф Кари, доби дозвола да продолжи со тренинзите, но сè уште нема информации кога ќе биде подготвен за игра, соопштија од клубот.

Кари (35), двапати МВП на НБА, ги пропушти последните два натпревари на Вориорс поради повреда на десниот зглоб. Се чини дека тој нема да биде во списокот за вечерашното гостување кај Далас Маверикс, но многу е веројатно дека ќе биде во списокот за саботниот натпревар против Лејкерс во Лос Анџелес.

Кари оваа сезона има просек од 26,9 поени, 4,9 асистенции и 4,4 скока по натпревар. Голден Стејт е на десеттото место во Западната конференција со 34 победи и 30 порази.