НБА кошаркарскиот натпревар помеѓу Лос Анџелес Лејкерс и Мемфис траеше 66 секунди подолго, а мистериозното продолжување го забележал корисник на социјалните мрежи.
Тимот од Калифорнија победи со резултат 123:120, а управата на најсилната лига на светот ја призна грешката и изјави дека тоа не влијаело на исходот на играта.
Имено, на семафорот се појавија дополнителни 66 секунди на крајот од третата четвртина, кога требаше да се ресетира часовникот за времетраењето на нападот. До крајот на таа делница останаа уште една минута и 14 секунди, а часовникот потоа беше поместен на 2:20. Никој од актерите на дуелот не го забележа големиот превид.
Just realized the Lakers and Grizzlies played 13:06 minutes in the 3rd quarter last night. When the shot clock was supposed to be reset at 1:14, the game clock was also accidentally reset to 2:20. No one noticed and they played the rest of the way with the new game clock. pic.twitter.com/oeEE0F7f3C
— Ramiro Bentes (@NbaInRstats) April 13, 2024
Грешката не влијаеше на исходот на играта, туку само на резултатот, бидејќи во тие дополнителни 66 секунди двете екипи постигнаа по два поени.
Вечерва завршува лигашкиот дел од НБА сезоната – Лејкерси се во плеј-офот, но се уште не се знае од која позиција. Ако победат во Њу Орлеанс, ќе бидат осми, а во плеј-офот ќе играат против Пеликанс или Феникс, доколку Санс загубат на гостувањето во Минеаполис.
Во случај на пораз, Лејкерси може да се „лизнат“ на деветтото или десеттото место, а во тој случај би им биле потребни две победи за пласман во плеј-офот.
Мемфис остана без пласман во плеј-офот.