УЕФА им забрани на навивачите да носат овошје на стадионите на претстојното ЕП 2024, пренесува „Мирор“.
На големиот летен фудбалски форум, кој започнува на 14 јуни во Германија, нема да бидат дозволени течности – пијалоци, полнење електронски цигари и други – и секоја храна, вклучително и овошје како јаболка, банани, портокали и други.
Германските власти, исто така, соопштија дека безбедносните тимови на сите 10 стадиони на кои ќе се одржат натпреварите на ЕП 2024, темелно ќе ги пребаруваат торбите на навивачите пред да влезат за да ги пребараат и да ги запленат забранетите предмети.
Казните за прекршување на овие правила се „протерување од стадион со пријава во полиција или забрана за посета на стадионите за цело првенство или за дел од ЕП 2024“.
Ќе бидат забранети и уреди за пушење и „вејпинг“. Иако Германија неодамна ја легализираше јавната употреба на марихуана, таа нема да биде дозволена на стадионите за Европското првенство.
Забранетите предмети вклучуваат и факели, огномети и свирчиња, како и мегафони и вувузели, толку популарни од Светското првенство во Јужна Африка во 2010 година.