Иако сезоната се уште не е завршена, приказните на тренерите дефинитивно ја одбележуваат оваа и следната фудбалска година.
Прво, во текот на сезоната беше објавено дека Чави, Клоп и Тухел ги напуштаат своите клубови по крајот на сезоната. Оттогаш Чави се предомисли, а бидејќи Баерн ги одби и Чаби Алонсо, Јулијан Нагелсман и Ралф Рангник, сега се шпекулира дека останувањето на Тухел повеќе не е невозможна мисија!
Имено, за ова придонесоа изјавите на Ерик тен Хаг дека ќе остане во Манчестер Јунајтед, како и најновата на Роберт Де Зерби, кој исто така сака да остане во Брајтон.
„Би сакал да останам во Брајтон, бидејќи ги сакам играчите, градот, клубот и нашите навивачи. На средбата со навивачите веќе кажав дека нема да заминам ако сум среќен таков каков што сум. Единственото важно за мене е да ја задржам оваа страст“, изјави Де Зерби.
И така практично уште една точка беше ставена на потенцијална тренерска промена.
Баерн останува без четврта и петта опција, доколку останат Тен Хаг и Де Зерби, па се чини дека останувањето на Тухел е најдоброто решение.
На сето ова треба да се додаде дека Челси најверојатно ќе го замени Маурицио Покетино, се споменува Ханси Флик, но и Антонио Конте и Рубен Аморим.
Јувентус ќе се раздели со Макс Алегри, иако се чини дека најблиску до клупата е Тиаго Мота.
И Милан го менува тренерот, но имињата се чуваат во „мрак“, Вест Хем се разделува со Дејвид Мојс, додека Хулен Лопетеги чека работа, по неуспешните преговори и со Милан и со Вест Хем. Секако, меѓу овие изненадувања е и замената на Арне Слот за Јирген Клоп.
Може ли некој да предвиди кој каде ќе седи следната сезона?
Кој ќе биде тренер на Баерн? Челси? Милан? Јувентус?