СИТЕ НИЕ СОНУВАМЕ за совршена врска, но вистината е дека здрава и среќна врска бара труд и работа. Важно е да вложите време и енергија за да изградите цврста основа за долготрајна и исполнета врска. Сепак, освен времето и љубовта, има уште некои компоненти на кои треба да внимаваме. Психологот Шерил Фрејзер откри три тајни за одлични врски.
„Триаголникот на страста е модел што го користам за да ги учам паровите како да создадат доживотна романтична и сексуална страст. Важно е врската да се гради на силна, сигурна основа. Значи, ако сакате да создадете страсна врска која станува подлабока и поповрзана како што минува времето, тогаш тоа треба да го изградите на многу силна основа – триаголникот“, изјави Фрејзер за Psychology Today.
Тaa објаснува дека „триаголникот на страста“ вклучува три компоненти:
Возбуда: Неописливо чувство на возбуда, интерес и привлечност кон партнерот што го доживеавме кога се заљубивме, но често избледува.
Интимност: Длабоко чувство на блискост што се развива со текот на времето преку ранливост и продлабочување на емоционалната поврзаност.
Сензуалност: Спектар на романтични, еротски и сексуални односи меѓу две лица, од држење за рака до сексуално задоволство.
„За да имате фантастична долготрајна сексуална и романтична врска, сите три страни на триаголникот на страста се од витално значење. Кога ќе бидат надвор од рамнотежа, вашата врска ќе страда“, вели психологот.
Значи, ако се обидуваме да ја вратиме возбудата во нашата врска, треба да се обидеме да се ослободиме од нашите воспоставени навики. На пример, можеме да планираме некои нови активности или изненадувачки патувања, советува психологот. Таа исто така додава дека е важно да научите јасно да го гледате вашиот несовршен партнер и вашата несовршена врска и да ги сакате повеќе од кога било за да ја подобрите интимноста.
Понатаму, во однос на сензуалноста, Фрејзер забележува: „Сензуалноста може да биде присутна во секој момент што го поминувате заедно или одвоено, без разлика дали тоа е гушкање, држење за рака или водење љубов“.
„Со време, посветеност и труд ќе го зацврстите бракот или врската. Кога сите три страни на триаголникот на страста се силни, ќе се чувствувате прифатено и сакано“, заклучи психологот.