Карл-Хајнц Румениге, кој е член на Надзорниот одбор на Баерн (Минхен), го советуваше актуелното раководство на клубот да биде подискретно во потрагата по наследник на Томас Тухел на тренерската функција.
Како што е познато, Минхен има сериозни тешкотии да најде нов тренер за следната сезона, откако доби неколку одбивања од врвни стручњаци.
„Тоа се теми во кои веќе не сум директно вклучен, бидејќи не сум активен во клупските работи. Сепак, би препорачал да се биде малку подискретен. Кога го добивме Пеп Гвардиола, работевме на неговиот потпис шест месеци и никој не знаеше за тоа. Мора да дејствувате стратешки и секое ваше движење да не излегува постојано во весниците. Најважно е постојаноста. Мора да бидеме самокритични во овој поглед. Неодамна малку отстапивме од курсот и на теренот и во водењето на клубот. Баерн треба да ја врати стабилноста што го карактеризираше на сите нивоа. Мора да запомните дека луѓе како Ули Хенес, Франц Бекенбауер и јас бевме на чело на клубот „малтене“ 100 години. Тешко е да се биде на лидерска позиција толку долго, но Баерн мора да се врати на патот на континуитетот“, прокоментира Румениге во интервју за АС.