Појадокот често се смета за најважен оброк во денот, а ако е добро избалансиран, може да обезбеди основни хранливи материи и енергија за остатокот од денот. Сепак, не е важно само што јадеме за појадок, туку и кога го јадеме. Затоа, докторот Мајкл О. Мекини го открил идеалното време кога треба да го јадеме првиот оброк.
„Појадокот во рок од еден час по будењето одговара на природниот деноноќен ритам на телото, подобрувајќи го метаболизмот и потрошувачката на енергија во текот на денот. Кога ги храниме нашите тела рано наутро, тоа го стартува нашиот метаболизам за да не бидеме премногу гладни во текот на денот. “, објасни докторот за SheFinds.
Кога појадуваме наутро, нашиот метаболизам започнува, што доведува до поефикасно согорување на калории во текот на денот.
Редовното појадување може позитивно да влијае на метаболизмот
„Исто така, го нормализира шеќерот во крвта, што ја спречува желбата за нездрави грицки подоцна во текот на денот. Понатаму, здравиот појадок составен од протеини и влакна обезбедува континуирано ослободување на енергија потребна за зголемена физичка активност, што доведува до поголемо согорување калории“, вели МекКини.
Тој напоменува дека дневниот појадок ја намалува зачестеноста на јадењето, додека не одржува задоволни и го зајакнува нашиот метаболизам, што помага да се задржат здравите навики и да се намали телесната тежина.
Сепак, Мекини нагласува дека ефектот на појадокот не е само кога го јадеме; нашиот избор на храна за појадок исто така игра значајна улога.
„Треба да јадете балансиран појадок како дел од вашата дневна рутина и да поттикнувате добри навики во исхраната во текот на денот“, заклучил докторот.