🎥Реал Мадрид по рекорден 15-ти пат е крал на Европа!

од Vladimir Zorba
2159 прегледи

Екипата на Реал Мадрид го освои трофејот во Лигата на шампионите по рекорден 15-ти пат!

„Кралскиот клуб“ триумфираше на овогодинешното издание на турнирот откако во финалето на „Вембли“ во Лондон со 2:0 славеше против Борусија (Дортмунд).

Даниел Карвахал (74′) и Винисиус Јуниор (83′) ги постигнаа головите со кои Лос Бланкос, кои уште еднаш станаа господари на Стариот континент.

Така Реал Мадрид сега има 15 победи од вкупно 18 финалиња во целата историја на натпреварувањето. Покрај тоа, Мадрид ја продолжи победничката серија во битките за трофејот и сега брои девет успеси.

Од друга страна, Борусија вторпат по ред е на губитничката страна во финалето на ЛШ, и повторно на „Вембли“ по поразот од Баерн (Минхен) со 1:2 во 2013 година.

Тренерот на Шпанците, Карло Анчелоти стана единствениот тренер со пет трофеи на турнирот – првите два со Милан, а преостанатите три со неговиот сегашен тим.

Слични содржини