Фудбалскиот клуб Јувентус е заинтересиран за голманот на Монца, Микеле ди Грегорио, пренесуваат италијанските медиуми.
Ди Грегорио има договор со Монца до 30 јуни 2027 година. Се вели дека челниците на Јувентус се подготвени да одвојат 20 милиони евра за голманот на Монца.
Италијанецот израсна во Интер, но никогаш не дебитираше за миланскиот клуб. Тој е член на Монца од 2020 година, а оваа сезона бранеше на 33 натпревари во Серија „А“.
„Старата дама“ е подготвена да се раздели и со првиот голман Војчех Шчесни, кој е еден од играчите со најголема плата во торинскиот клуб. Матеа Перин треба да остане на „Алијанц“ стадионот како резервен голман.
Италијанските медиуми потсетуваат дека Ди Грегорио е прогласен за најдобар голман во Серија „А“ оваа сезона.