Претседателот на Србија, Александар Вучиќ е во Брисел, каде се одржува нова рунда преговори меѓу Белград и Приштина, а српскиот претседател по тој повод изјави дека не очекува ништо од средбата со Аљбин Курти.
– Не очекувам ништо од средбата со Курти. Очекувам дека ќе драматизира и ќе вика додека не застане и готово, а потоа ќе излезе и ќе рече: „Малиот Путин, не знам што зборуваше…“. Исто како и секогаш“ , изјави Претседателот.
Вучиќ истакна дека нема да води антиалбанска политика.
„Нема да водам антиалбанска политика, како што тие водат антисрпска политика, суштината е следна – не кажав ниту збор за тоа, не ги принудив да воведат мерки, ниту да ги укинат. Работам во интерес на Србија, а оваа одлука е во интерес на Европа. Ќе видите многу европски лидери и нови инвестиции во Србија, сигурен сум и верувам дека нашата заедничка земја е на одличен пат, имавме највисока стапка на раст во Европа, мораме така да продолжиме“, рече тој.
Вучиќ истакна дека е подготвен да учествува во изнаоѓање решение со косовските Албанци и дека не забележал дека албанската страна е подготвена да направи нешто во однос на ЗСО.