Професорот и претседател на Советот на Град Скопје, Трајко Славески преку објава на социјалните мрежи им го честита Денот на Независноста на САД. Славески преку платформата „Х“ објави „писмо до американските пријатели“, порачувајќи дека во Македонија не постои руска пропаганда, ниту некогаш имало.
-Во никој случај овде не процветало некое значајно просоветско, или за таа работа проруско чувство. Македонија никогаш не била плодна почва за такво нешто, а Русите тоа го знаеле. До неодамна!
Има нешто позагрижувачко – непобитен пораст на антизападните, вклучително и антиамериканските чувства кај етничкото македонско население во последните неколку години. Овој интересен и шокантен феномен оставам да го објаснат социјалните психолози.
Јас имам свое разбирање за овој несреќен пресврт. Верувам дека секој родител може да признае дека развива негативни чувства дури и кон своите деца, во одреден момент и под одредени околности, истакнува Славески.
𝐋𝐄𝐓𝐓𝐄𝐑 𝐓𝐎 𝐌𝐘 𝐀𝐌𝐄𝐑𝐈𝐂𝐀𝐍 𝐅𝐑𝐈𝐄𝐍𝐃𝐒
Dear all:
Wishing you a Happy Independence Day, I’d like you to rest assured about the following:
There is no such thing as Russian propaganda in Macedonia. There has never been. By no means has any significant-pro… pic.twitter.com/5wo0MJjWvo
— Trajko Slaveski (@TSlaveski) July 1, 2024
Екс-министерот за финансии истакнува и дека прифаќањето и охрабрувањето на новоизбраната влада, предводена од ВМРО-ДПМНЕ, од американските претставници во нашата земја, се примени со големо олеснување.
-Ова се случи по убедлива победа, и покрај предизборното обесхрабрување на гласачите од страна на некои високи американски функционери застанувајќи на страната на поразените партии кои ја предводеа претходната влада.
Со малку труд на нивна страна и со фер и праведен третман на сите етникуми во нашата земја, нашите стратешки партнери повторно можат да ги освојат срцата и умовите на етничките Македонци. Се надевам дека знаат како да го направат тоа. Не е потребно многу! И сите грижи за какво било „руско влијание“ и пропаганда секако ќе исчезнат, додава претседателот на Советот на Град Скопје.