Манчестер Јунајтед постигна договор со колегите од Жирона за трансфер на Дони ван де Бик, информираше шпанскиот сајт „Релево“.
Каталонскиот тим ќе плати само 500.000 евра за холандскиот играч за врска, но зделката вклучува лесни бонуси кои можат да донесат меѓу четири и пет милиони евра во касата на „црвените ѓаволи“.
Во исто време, „Олд Трафорд“ задржува и солидна клаузула од евентуален иден трансфер на Ван де Бик, што ќе им донесе меѓу 40 и 50 проценти од договорот при заминување.
Самиот играч од средниот ред допрва ќе мора да ги реши личните договори со шефовите на Жирона, но повеќето медиуми сметаат дека тоа нема да претставува проблем.
Холандскиот играч за врска беше купен од Манчестер Јунајтед за 39 милиони евра во летото 2020 година, но никогаш не успеа да се приближи до стартните единаесетмина на тимот под неколку различни менаџери. Тој беше позајмен со контроверзен успех во Евертон и Ајнтрахт (Франкфурт), каде исто така не успеа да стане главен играч.
Новото раководство на „црвените ѓаволи“ сака да се ослободи од низа такви играчи кои со години не придонесуваат за настапите на тимот.