52
Аргентинскиот напаѓач Лионел Меси најави дека финалето против Колумбија во понеделник ќе биде негов последен натпревар на Копа Америка.
Аргентина со 2-0 славеше над Канада во полуфиналето на натпреварувањето и ги обезбеди најмалку сребрените медали на турнирот.
Меси го освои натпреварувањето во 2021 година, а во 2022 година во Катар беше крунисан и како светски шампион со својата репрезентација.
„Тоа беше тежок турнир за Аргентина. Екипите играат се порамноправно. Видовте и дека има лоши терени и многу високи температури. Ова е мојот последен настап на Копа Америка. Во Катар последен пат игравме со Ди Марија и Отаменди на Мундијалот, а сега уживаме во последните заеднички натпревари на Копа Америка“, коментира Лионел Меси.