Американскиот рапер Снуп Дог ќе учествува во штафетата со олимпискиот оган неколку часа пред почетокот на Париз 2024 година, објави градоначалникот Матје Анотен, цитиран од агенцијата ТАСС. 52-годишниот музичар ќе го носи факелот низ улиците на Сен Дени до Стад де Франс.
„Сен Дени – последниот праг пред Ајфеловата кула. Светски познатиот Снуп Дог ќе го носи факелот со олимпискиот оган во последната фаза од штафетата“, напиша Анотен во Х.
Раперот, кој ќе биде дел од коментаторскиот тим на NBC Primetime за Олимпијадата во Париз, е голем љубител на спортот, па дури има и свој шампионат во американски фудбал, Snoop Youth Football League. Последниот дуел, како и Super Bowl, се нарекува Snooper Bowl.
Меѓу другите учесници во штафетата се француската актерка Летисија Каста и францускиот рапер MC Solar.