Американската политичка сцена доживеа драстичен пресврт во само неколку дена. Според новата анкета на Ројтерс и Ипсос, потпретседателката Камала Харис има мала предност пред републиканецот Доналд Трамп во претседателската трка.
Харис води со 44% наспроти 42% за Трамп меѓу регистрираните гласачи, според анкетата спроведена во понеделникот и вторникот, откако претседателот Џо Бајден се повлече и ја поддржа Харис за негов наследник.
Претходните анкети покажуваа дека Харис и Трамп беа изедначени со 44% пред една недела, а на почетокот на месецот Трамп имаше предност од еден процентен поен.
Иако разликата е во рамките на маргината на грешка од 3 процентни поени, резултатите можат да сигнализираат одредена динамика во корист на демократите и сугерираат дека Трамп не го добил очекуваното засилување по неговата национална партиска конвенција минатата недела.
Други анкети во последните денови му дадоа на Трамп мала предност, исто така во рамките на маргината на грешка. Анкетите на Morning Consult и Quinnipiac покажуваат дека Трамп има предност од 2%, додека анкетата на Форбс/ХарисХ му дава предност од 6%. Просечното водство за Трамп врз основа на сите претходни анкети е само 1,5%.