Жоао Феликс се врати во Мадрид, но тренира одвоено од останатите соиграчи од Атлетико, пишува локалниот печат. Португалскиот напаѓач веќе подолго време е во затегнати односи со тренерот на тимот Диего Симеоне, а во последните недели се појавија различни сомнежи и претпоставки како точно „Цивитас Метрополитано“ ќе одлучи да му пристапи.
Во средата заврши двонеделната пауза на играчот по елиминацијата на Португалија од ЕП 2024, каде „морнарите“ во 1/4-финалето загубија од Франција на пенали токму поради неговото промашување од белата точка. На крајот, Жоао Феликс не доби дополнително слободно време за да ја разјасни својата иднина, туку се приклучи на тренингот на Атлетико.
Слична беше ситуацијата минатото лето, кога тој дури се качи во авионот за претсезонската турнеја на Мадрид пред да може да ја финализира својата позајмица во Барселона. Весникот „Ас“ додава дека газдите на „јорганџиите“ го ценат играчот на околу 60 милиони евра и претпочитаат трансфер, откако Феликс веќе двапати бил позајмен во Челзи и Барса.
Во моментов, Астон Вила се чини дека е фаворит за неговиот потпис, а Унаи Емери сака да го има на Вила Парк. Останатите играчи на Диего Симеоне напорно се подготвуваат за претстојната контрола на тимот утре против Нумансија.