Надал реши да учествува во поединечна конкуренција на Олимпијадата

22-кратниот Гренд слем шампион Рафаел Надал донесе конечна одлука да игра сингл на Олимписките игри во Париз. Оваа информација ја потврди и капитенот на шпанската репрезентација Давид Ферер.

„Да, денес тренира со шина на десната надколеница, но тоа е само како мерка на претпазливост. Да видиме како ќе се чувствува кога ќе заврши натпреварот“, изјави Ферер за RTVE.

Надал вчера во двојки играше со сонародникот Карлос Алкараз и остварија победа над Аргентинецот Андрес Молтени/Максимо Гонзалес со 7-6 (7-4), 6-4, но по мечот Надал изјави дека до крајот не е сигурен дали ќе се натпреварува во сингл.

Во првиот сингл натпревар на Олимпијадата, Надал треба да се соочи со светскиот рекет број 83, Унгарецот Мартон Фучовиќ.