Бране Петрушевски, пратеник во Собранието, денеска на прес-конференција истакна дека претходната власт се однесувала кон државната каса како кон бунар без дно. Тој обвини дека не само што се ограбувала државата преку тендери, туку и немилосрдно се трошело на кафански седенки, на јадење и пиење на поранешните функционери.
„Денес низ наједноставен пример, ќе ја доловиме сликата за ограбената држава од страна на СДС и ДУИ. И како тоа министрите во претходната власт гледале на државата.
Пример за аздисано трошење е министерот Наим Бајрами, кој беше министер во МИОА од 01.02.2024 година до 01.06.2024 година.
За 4 месеци колку што Наим Бајрами бил министер во МИОА на службената картичка успеал да направи долг од цели 231.729 денари.
Бајрами потрошил за 4 месеци на кафеани, јадење и пиење преку службена картичка, колку што еден граѓанин со минимална плата заработува за цела година.
Како СДС и ДУИ правдаат што нивен функционер за само 4 месеци на кафеани потрошил колку што еден граѓанин троши за една година, и тоа за живот и преживување? Со кое лице СДС и ДУИ и Наим Бајрами ќе ги погледнат граѓаните и како ќе им кажат дека за 4 месеци еден човек потрошил во кафеани колку тие за живот на нивното семејство за една година.
Во наредните неколку дена ќе кажеме детално како овој функционер ги трошел народните пари и како се однесувал додека народот мислел дека тој работи за државата“, вели тој.