Грчки олимпиец од Игрите во Париз, чие име не е објавено, е суспендиран поради прекршување на антидопинг правилата.
Според агенцијата АМНА, која се повикува на Националниот олимписки комитет на Грција, од спортистот било побарано да го напушти олимпиското село. Натпреварувачот може да побара повторно тестирање.
Претходно, грчката атлетичарка Елени-Клаудија Полак, која учествуваше во квалификациите во скок со стап, за интернет порталот Financial Report изјави дека во еден од нејзините примероци се пронајдени траги на допинг, кои може да навлезат во телото како резултат на консумирање месо.
Спортистката откри дека била информирана дека концентрацијата на супстанцијата била во границите на нормалата.
На Гркинката и беше дозволено да учествува на Олимписките игри и се пласираше на 27. место во квалификациите за дисциплината.