Винисиус Жуниор, крилниот напаѓач на Реал, ја доби најбогатата понуда во историјата на фудбалот. Ова го пишуваат сите релевантни шпански и бразилски извори.
Инсајдерот Марио Кортегана откри дека делегација на Државниот инвестициски фонд на Саудиска Арабија, во име на тамошното Министерство за спорт, контактирала со агентите на Вини со желба нивниот штитеник да стане заштитно лице на саудиската лига. Тоа го посакуваат бескрајно богатите Саудијци за да го подигнат имиџот на земјата и нејзиниот фудбал пред Светското првенство во 2034 година, кое се организира во таа земја.
Глобо, бразилскиот медиумски гигант, ги откри деталите за нереалната понуда. На Винисиус му бил понуден петгодишен договор, според кој ќе заработи милијарда евра, 13 пати повеќе отколку во Реал. На социјалните мрежи се шири вирален твит во кој пишува дека доколку Винисиус ја прифати понудата би заработувал 23 илјади евра минута, 549 илјади евра дневно и 3,8 милиони евра неделно.
Освен што би бил феноменално платен доколку игра во саудиската лига, за споменатиот хонорар би бил и како заштитно лице на Мундијалот во 2034. Но, не е сè со што Саудијците го искушуваат Вини. Посочуваат дека тој би бил слободен играч во 2029 година и на тој начин би можел да се врати во Европа без обештетување и во цутот. Како дел од понудата, тој сам избира работа во саудискиот фудбал откако ќе се повлече од играњето.
Марка вчера попладне напиша дека Реал и Винисиус го „отфрлиле најголемиот трансфер во историјата на спортот“, но Ас, друг спортски медиум од Мадрид, синоќа го тврдеше спротивното: „Претседателот Флорентино Перез одби да преговара за трансферот на Винисиус, но ги пренасочи Саудијците на Извршниот претседател Хозе Анџело Санчез одговори дека за да го доведат Винисиус, ќе треба да ја платат клаузулата за компензација, која изнесува една милијарда евра.