Кромидот е култура позната повеќе од 5.000 години. Старите Грци го сметале за свет зеленчук, и тоа со добра причина. Имено, кромидот освен што штити од настинка, има и многу други корисни својства.
Кромидот содржи витамини А, Б и Ц, фосфор, железо, калциум и антиоксиданси. Овој зеленчук може да се јаде сиров или варен, без да ги изгуби своите корисни својства.
Ако јадете барем половина кромид дневно, можете да го зголемите нивото на добриот холестерол и да спречите мозочен удар, атеросклероза, срцев удар или тромбоза. Кромидот е и одлична превентива против дијабетес и инфекции.
Фосфорот, калциумот, сулфурот и силициумот во кромидот помагаат да се намали ризикот од фрактури, а сирупот од кромид ќе ви помогне да се ослободите од кашлицата. Треба само да го исечете зеленчукот на коцки и да го премачкате со мед. По неколку часа, можете да ја процедите содржината и да ја пиете течноста како сируп.
Кромидот помага и при анемија. Не само што содржи многу железо, туку помага и во неговата апсорпција од друга храна. Ако додадете кромид во вашата секојдневна исхрана, можете значително да го подобрите здравјето на вашата кожа. Ќе ви помогне да ги намалите лузните и да се ослободите од акните, а вашите нокти и коса ќе станат посилни.