Италијанскиот фудбалер Федерико Киеза ги договорил своите услови за трансфер од Јувентус во Ливерпул и се уште чека двата клуба да ги разјаснат преостанатите детали од соработката во овој случај, односно тој да ги направи лекарските прегледи и да го потпише подготвениот Договор. Пресреќен е што дел од кариерата ќе помине во Англија и во соблекувалната на повеќекратниот европски првак.
Тој веќе се прости од црно-белите од Торино и при разделбата со „старата дама“ објасни како се чувствува што го напуштил најтрофејниот клуб во Италија и станал член на „црвените“, со огромен број фанови ширум светот.
„Многу сум среќен и едвај чекам да станам нов играч на Ливерпул. Јас и моето семејство сме многу среќни. Би сакал да им се заблагодарам на Јувентус и неговите навивачи, тие секогаш беа посебни за мене. Сега е време за Ливерпул! “, изјави Киеза.
Сето тоа затоа што новиот тренер Тиаго Мота веднаш по доаѓањето го „пречкрта“ италијанскиот репрезентативец, а тој почна да бара нов клуб. Не чекаше долго, а веројатно доби џек-пот.
Ако брзо се прилагоди на новите соиграчи и островскиот фудбал, бидејќи тоа е друга димензија во однос на Серија А и можеше да „проголта“ многу поголеми ѕвезди. Во основа, пред гордоста на младинската школа на Фиорентина е најголемиот предизвик во неговата кариера.
На 26 години е крилен играч од средниот ред, со добро искуство од играње и за репрезентацијата. Неговиот трансфер би требало да чини околу 13 милиони евра, со соодветни проценти за Јуве од следната продажба.