Русија изврши ракетен напад врз Киев, соопшти во понеделникот украинската војска, додека воената команда на Полска соопшти дека полските и сојузничките авиони биле активирани во Украина како одговор на руските воздушни напади.
Украинските единици за воздушна одбрана се ангажирани во одбивањето на руски ракетен напад врз Киев, објавија во понеделникот украинските воени претставници на Телеграм, пренесува Јутарњи лист.
Очевидци од Киев за Ројтерс изјавиле дека слушнале неколку силни експлозии кои звучеле како противвоздушна одбрана.
Наслідки російської ракетної атаки по Сумах у неділю ввечері. Відео: Суспільне Суми pic.twitter.com/LJ9gSGlaA0
— Українська правда ✌️ (@ukrpravda_news) September 1, 2024
Воздухопловните сили на Украина соопштиле дека Киев бил погоден со балистички проектили рано во понеделникот, додека градските власти соопштиле дека единиците за воздушна одбрана ги одбиваат нападите.
Во нападот делумно е уништена фабрика за водоснабдување во киевскиот кварт Холосиевски, објави на Телеграм, градоначалникот на Киев, Виталиј Кличко. Службите за итни случаи интервенираа во неколку градски области, вклучително и во областа Соломјанск, каде се наоѓа главната железничка станица во Киев и главниот аеродром, како и историскиот кварт Свјатошински, соопштија градските власти.
Во регионот Сума нападнат е центар за социјално-психолошка рехабилитација на деца и дом за запуштени деца. Според првите информации, повредени се тринаесет лица. Меѓу нив има деца, едно 7-годишно момче и едно 13-годишно девојче.
Нападот се случи точно една недела откако Москва лансираше повеќе од 200 проектили и беспилотни летала во Украина, при што загинаа седум лица и погодија енергетски објекти низ целата земја во, како што Киев го нарече „најмасовниот“ напад во војната.
Полските и сојузничките авиони беа активирани рано во понеделникот за да го обезбедат полскиот воздушен простор откако Русија започна воздушни напади во Украина, соопшти командата на полските вооружени сили.