Претседателката на Собранието на Србија, Ана Брнабиќ, денеска изјави дека добивањето инвестициски кредитен рејтинг за Србија е историска вест и пресврт, нагласувајќи дека сега ќе биде полесно да се привлечат најголемите инвеститори, најкредибилните компании и да се отворат работни места кои се подобро платени.
Брнабиќ за РТС изјави дека всушност е тешко да се објасни значењето и важноста на тоа и посочи дека Србија во 2012 година беше буквално пред банкрот, дека во буџетот нема пари за исплата на пензиите и дека денес е рамо до рамо со соседните земји како Унгарија.
Таа посочи дека Србија добила инвестициски кредитен рејтинг за помалку од 12 години и наведе дека пред 10 години јавниот долг бил далеку над 70 отсто од БДП, а невработеноста над 26 отсто.