Американскиот актер Кијану Ривс го имаше своето деби на автомобилски трки во саботата на познатата авто-мото патека во Индијанаполис во Соединетите Американски Држави.
Ѕвездата на „Матрикс“ накратко ја напушти патеката на средината на 45-минутната трка во Индијанаполис Мотор Спидвеј.
Успешно избегна несреќа во првиот круг во свиокот 14. Тој се врати на патеката и продолжи да вози, сигнализирајќи дека е неповреден и заврши на 25-то место, пренесе Асошиејтед прес.
Stars shine brighter at Indy 🤩
Film icon Keanu Reeves and @dudeperfect’s Cody Jones are on track for Race 1 of the Toyota GR Cup!@officialgrcup | @indy8hour pic.twitter.com/ZbkFfBphiy
— Indianapolis Motor Speedway (@IMS) October 5, 2024
Ривс има втора трка закажана за денеска.
Холивудскиот актер има претходно тркачко искуство како поранешен учесник на трката на славните, Гран При на Тојота, на патеката Лонг Бич. Ривс победи на натпреварувањето во 2009 година.