Познатиот поранешен репрезентативец на Рома и Италија, Франческо Тоти увери дека идејата да се врати во неговата активна натпреварувачка кариера не е шега, а според весникот La Repubblica, понудата од тимот на Комо е примамлива за 48-годишниот поранешен напаѓач.
Принцот од Рим минатата недела двапати изјави дека ќе размислува за враќање во фудбалот и дека добил повици од клубови од Серија А. Комо предводен од Цеск Фабрегас е еден од тимовите кои контактирале со Тоти, нудејќи му шанса да се приклучи на тимот до крајот на сезоната, тврди изданието.
Поранешниот стрелец се повлече од фудбалот во 2017 година, откако целата своја кариера ја помина во Рома. Подоцна стана директор во клубот, но остана само околу 2 години, заминувајќи во 2019 година поради разлики во мислењата со сопствениците.
Тоти го освои Светското првенство во 2006 година со репрезентацијата на Италија, како и титулата во Серија „А“ во 2001 година со „волчицата“.