Баер Леверкузен верува дека тренерот на германскиот шампион, Чаби Алонсо летото 2025 година ќе замине во Реал Мадрид.
Шпанските медиуми пренесуваат дека европскиот клупски шампион размислува да го доведе својот поранешен играч за наследник на сегашниот менаџер Карло Анчелоти. „Белите“ немаат намера да се разделат со Италијанецот пред крајот на актуелната сезона, а се очекува Анчелоти во иднина да ја преземе улогата на амбасадор на Реал Мадрид.
Чаби Алонсо важи за стручњак кој комбинира традиции и нови методи на работа во фудбалот. Раководството на Мадрид верува дека тој е способен да даде нова енергија и да води тим полн со млади и талентирани играчи.
Германскиот клуб беше подготвен за сличен развој на настаните и на крајот од минатата сезона, кога Алонсо одби да го води Ливерпул по заминувањето на менаџерот на „црвените“ Јирген Клоп.