Серијата „Game of Thrones“ на каналот HBO важи за една од најпопуларните серии досега, која успешно се емитуваше од 2011 до 2019 година.
Во текот на осум сезони, таа доби неколку престижни награди, а благодарение на нејзиниот успех, беше снимена уште една адаптација на делото на Џорџ Р.Р. Мартин, серијата „House of the Dragon“.
Според веб-страницата „Холивуд репортер“, студиото Warner Bros. планира да сними филм според мотивите од серијата „Game of Thrones“.
Проектот се уште е во „многу рана фаза на развој“ бидејќи неговиот режисер, сценарист и актерска екипа сè уште не се избрани.
Се уште не е познато дали тоа ќе биде продолжение на завршената серија на HBO или нешто друго поврзано со материјалот виден во ТВ драмата.
Интересно е што самите автори на серијата, Дејвид Бениоф и Даниел Брет Вајс, веќе сакале да снимат три играни филмови наместо последната сезона од серијата, но HBO децидно ја отфрли нивната идеја.