Настрешницата што се урна на железничката станица во Нови Сад, при што загинаа неколку лица, не е обновена бидејќи не ја одобрил Заводот за заштита на спомениците во Нови Сад, јавуваат српските медиуми.
Како што може да се види од документот до кој дојде „Новости“, Институтот побарал санација, замена на стаклото и плочките, но не и реконструкција на настрешницата.
„Реновирајте ја настрешницата над главниот влез, заменете ги постојните метално обложени делови во делот со стаклото; значително оштетената покривка на настрешницата од мозаична плочка заменете ја со нова изработена од истиот или нов материјал, што ќе следи оригинално уметничко решение во обработка и боја“, се наведува во приложените документи.
Сите се прашуваат како е можно да се случи вакво нешто, особено што оваа станица беше реконструирана пред четири месеци, а на ова прашање сега одговори градежниот инженер и граѓански активист Данијел Дашиќ.
Do rušenja je došlo jer su na postojeću armirano betonsku konzolu, ankerisanu čeličnim profilima za krov, dodali masivnu čeličnu konstrukciju sa teškim staklima, koja je dovela do čupanja ankera i loma konzolnih nosača.
Zato panika i priča da nadstrešnica nije rekonstruisana. pic.twitter.com/zlWSpO24tb
— Danijel Dašić (@mrcoslav) November 1, 2024
„Уривањето се случи бидејќи на постоечката армирано-бетонска конзола беше додадена масивна челична конструкција со тешко стакло, закотвена со челични профили за покривот, што доведе до кршење на котвите и пукање на носачите на конзолата“, напиша Данијел Дашиќ на неговиот профил на социјалната мрежа Х и додаде:
„Затоа има паника и се зборува дека настрешницата не е реконструирана“.