Едер Милитао тешко се повреди при победата на Реал Мадрид над Осасуна од 4:0 во саботата, му беа оштетени вкрстените лигаменти на коленото и ќе го пропушти остатокот од сезоната. Тоа создаде огромен проблем во одбраната на Реал, а шпанските медиуми веќе калкулираат за замена, а поранешниот играч на Реал Гути навести дека Серхио Рамос ќе биде квалитетно и итно решение.
Сепак, 38-годишната легенда на Реал нема играно од крајот на минатата сезона, кога му истече договорот со Севиља, а многу е дискутабилно дали е воопшто физички подготвен да игра фудбал, а камоли на ниво на најголемиот клуб во светот. АС пишува дека враќањето на Рамос не е во плановите на Реал, иако како слободен играч би можел да дојде веднаш, а не до јануарскиот преоден рок.
Многу пореално е дека замената ќе дојде во првите денови од 2025 година, а АС пишува дека Реал ќе ја бара во Саудиска Арабија. Неговата приоритетна цел е поранешната ѕвезда на Манчестер Сити, Ајмерик Лапорте.
Шпанскиот репрезентативец има договор до летото 2026 година со Ал-Наср, во кој пристигна летото минатата година од Сити за 27,5 милиони евра. „Трансфермаркт“ моментално го цени на 20 милиони, а тоа е секако отштетата што Реал е подготвен да ја плати за 30-годишниот играч кој и покрај тоа што игра во слаба лига, остана незаменлив член на ударната шпанска постава, како во кампањата за поход на Европското првенство, како и подоцна.
Сепак, прашање е дали Ал-Наср ќе ја прифати хипотетичката понуда бидејќи е можна несакана реакција од Кристијано Роналдо, кој со цело срце сака да ја освои титулата саудиски шампион, а заминувањето на еден од неговите најдобри соиграчи би лошо влијание врз неговите амбиции.
Ал-Наср моментално е трет во Про лигата, со шест бода помалку од лидерот Ал-Хилал и пет зад Ал-Итихад.