Леброн Џејмс за четириесет дена ќе наполни 40 години, ја игра 22-та НБА сезона во кариерата, но и понатаму ги поместува границите, не само со рекордите во неговата возрасна категорија, туку и правејќи работи што не ги правел дури и во неговите најдобри денови. Во синоќешната победа на Л.А. Лејкерс во Сан Антонио над Спарс 120:115, тој го оствари четвртиот последователен „трипл-дабл“.
Тоа е најдолгата серија во неговата кариера, тој никогаш претходно не врзал четири натпревари со „трипл-дабл“ учиноци, а уште поимпресивно е што Лејкерси ги добија сите четири натпревари. Синоќа застана на поскромни 15 поени, но зграпчи 16 скока и подели 12 асистенции, а впечатокот донекаде го расипаа дури седум загубени топки.
Ентони Дејвис, кој постигна 40 поени и 12 скока, го доби дуелот на центрите на суперѕвездите против Виктор Вембањама, кој остана на 28 поени и 14 скока.