5
Првотимецот на Реал Мадрид, Едер Милитао, го оперираше коленото и се очекува да се врати на теренот за околу девет месеци.
„АС“ објави дека операцијата поминала добро, 10 дена откако дефанзивецот на Реал ги скина предните вкрстени лигаменти на десното колено и го повреди менискусот на натпреварот против Осасуна на „Сантијаго Бернабеу“.
Се очекува 26-годишниот бразилски фудбалер следното лето да биде подготвен за подготовките за следната сезона.
Милитао го пропушти поголемиот дел од минатата сезона откако го повреди тешко левото колено на првиот натпревар од сезоната. Тој се врати на терените во март и учествуваше во освојувањето на Лигата на шампионите и титулата во Примера.