Барселона со години се бори со катастрофалната состојба во клупската каса, поради што каталонскиот клуб имаше стеснет простор за маневрирање на пазарот на играчи. Дури и да реализираа голем трансфер, често ќе имаа проблеми со регистрацијата на играчите. Сепак, добра вест за Барса е новиот договор со „Најк“.
Тој е потпишан до 2038 година и на клубот ќе му донесе вртоглави 1,7 милијарди евра. Шпанските медиуми пишуваат дека благодарение на таа инекција клубот на лето ќе реализира голем трансфер. Барселона е во потрага по крилен напаѓач. На десната страна мирни се со Ламин Јамал, но бараат засилување на левата страна.
Ним им треба тип на крило со силна десна нога што може да влезе во средината од крилата. На тој опис одговара Грузиецот Квича Кварацхелија, 23-годишната ѕвезда на Наполи и еден од најдобрите дриблери во светот.
Во својата прва сезона во Наполи, тој беше најдобар играч на тимот кој го освои долгоочекуваниот шампионат по 33 години, а за една од најдобрите дебитантски сезони во историјата на петте лиги воопшто, Кварацхелија ја доби наградата за најдобар играч во Серија А. За Наполи за две и пол години се појави 102 пати, постигна 30 и асистираше за 28 гола.
Неговиот договор истекува во летото 2027 година и тој постојано одбиваше понуди за продолжување, сакајќи да се бори за „трансферот на кариерата“ во еден од најдобрите клубови. La Gazzetta dello Sport пишува дека агентите на играчот веќе стапиле во контакт со Барселона, но дека не се особено заинтересирани во Каталонија.
„Барселона засега не направи никаков потег, иако е јасно дека играчот сака да потпише договор со нив. Разликите меѓу страните се уште се значајни, а Шпанците се плашат да отворат преговори бидејќи знаат дека Аурелио де Лаурентис е непредвидлив и тврд преговарач. Барселона засега нема намера да плати 80 милиони евра и покрај тоа што е играч кој би можел да одговара на проектот“, објави Gazzetta.
Шпанските медиуми тврдат дека во Барселона, наместо на Грузиецот, изборот на новото лево крило е сведено на уште двајца одлични играчи, Нико Вилијамс (22) од Атлетик Билбао и Рафаел Леао (25) од Милан. Вилијамс веќе беше главна желба на Каталонците минатото лето.
Она што е сигурно е дека ниту еден од горенаведените нема да биде евтин и дека Барселона ќе мора да издвои отштета потенцијално блиску до цифрата од 100 милиони евра.