Тренерот на Рома, Клаудио Раниери, зборуваше по поразот на „волците“ од Наполи со 1-0 на стадионот „Диего Армандо Марадона“. Раниери призна дека „Рома очигледно има проблеми“, нагласувајќи дека тој и неговиот тим ќе работат на тоа клубот да излезе од кризата.
„Рома очигледно е во неволја и затоа ме побараа. Бевме еднакви против тимот кој се бори за титулата. Задоволен сум од играчите. Направивме некои грешки и ќе разговараме за нив во текот на неделата. Имаше решителност и желба да возвратиме по примениот гол. Имаме многу работа, но јас сум оптимист“, рече Раниери.
„Го сменив системот на игра и отидовме од четворица одбранбени играчи на тројца бидејќи сакав да имам поголем посед на топката и да ги запрам опасните дијагонални додавања на Наполи“, рече тој.
„Понекогаш нашите дефанзивци се занесуваа со запирање на Ромелу Лукаку и оставаа отворени простори за Хвича Кварацелија. Ризикував со вклучувањето на Пауло Дибала во последните минути бидејќи тој секогаш е способен да направи некоја магичен потег. Пауло не чувствуваше болка во последните два дена и проценив дека може да влезе. Се надевам дека ќе биде целосно подготвен за натпреварот против Тотенхем во Лондон“, изјави тренерот на Рома.
Од Раниери беше побарано да го коментира и негативниот однос на некои навивачи кон Лоренцо Пелегрини и Брајан Кристанте: „Треба да покажат карактер и да си помогнат самите. Почнавме доста сталожено, но во второто полувреме покажавме поголема желба во предните позиции. Стигнавме до опасниот удар со глава на Артјом Довбик и шансата на Томазо Балданци. Мораме да работиме за да излеземе од кризата“, додаде тренерот на Рома.