Масимо Гилети, многу позната, но и контроверзна личност на италијанската телевизија, повторно е во центарот на вниманието, овој пат поради скандал.
Гилети е познат по разоткривањето многу афери, зборувал дури и за мафијата, често не бира зборови и морал многу пати да оди на суд, а сега е на пат да и открие на јавноста се за скандалот на еден фудбалски играч. Жилети не крие дека е тврдокорен фан на Јувентус, а сега вниманието го насочи кон фудбалер на Милан или Интер кој наводно ја претепал неговата девојка.
„Познат играч на тим од Милано претепа девојка, имаме снимка, изјави Гилети во програма во живо на каналот РАИ 3“, пренесуваат италијанските медиуми.
Наводно, инцидентот се случил во приватен дел од познат милански ноќен клуб, каде фудбалерот бил во друштво на својата девојка и пријатели. Според Гилети, на видеото јасно се гледа дека славниот фудбалер ја соборува девојката на под, а потоа ја удира откако ја кренал.
„Видеото е испратено до нашиот уреднички тим, нема сомнеж кој е на видеото“, истакнал Гилети.
Тој продолжи да зборува за наводниот валкан потег на фудбалерот.
„Не можете да ставате црвена боја на лицето (симболична акција со која италијанските фудбалери секоја година го истакнуваат проблемот со насилството врз жените) и да правите вакви работи. Тоа значи дека не сте дел од овој систем“, додал тој со лут тон.
Случајот е отворен, а што ќе се случи ќе видиме во наредните денови.
„Тоа се многу сериозни снимки и решивме засега да не ги објавуваме. Ќе продолжиме да се занимаваме со овој случај“, заклучил Гилети.
🚨Clamorosa rivelazione di Massimo Giletti: il conduttore avrebbe ricevuto un video in cui un calciatore famosissimo di una tra Inter e Milan, mentre era in stato visibilmente alterato, picchia ripetutamente una ragazza 🤯
NO ALLA VIOLENZA SULLE DONNE 🔴#Lostatodellecose pic.twitter.com/meQtmgwjoO
— Rompipallone.it (@Rompipallone_) November 25, 2024
Милан е на седмото место во Серија А, додека во Лигата на шампионите е на 20. позиција. Интер е далеку подобар, бидејќи е трет во Серија А, додека во Лигата на шампионите ја зазема петтата позиција на табелата.