Рускиот нуклеарен чадор, по ажурирањето на нуклеарната доктрина, се протега пред се на земјите од Договорот за колективна безбедност (ОДКБ), соопшти секретарот на Советот за безбедност на Русија Сергеј Шојгу, по седницата на Советот на министри за одбрана и Комитетот на секретарите на Советот за безбедност на ОДКБ во Астана.
– Прво, сакам да кажам дека старата доктрина го предвидуваше и овој чадор, вклучително и за нашите сојузници. Тоа беше јасно кажано. Што се однесува до новата доктрина, нормално, таа се однесува на земјите од ОДКБ. Посебен додаток, ми се чини, се однесува на Белорусија – рече тој.
Шојгу потсети дека критериумите за употреба на нуклеарно оружје се доктрински пропишани – кога се врши агресија врз Белорусија со конвенционално оружје и кога постои закана за самото постоење на Белорусија.
Членки на ОДКБ се Русија, Белорусија, Казахстан, Киргистан, Таџикистан, Ерменија.