Владата на Косово пред две недели донела одлука за лансирање наменска индустрија во Косово, а ТВ „Дукаѓини“ јавува дека меѓу другото се планира производство на околу 20 видови беспилотни летала.
Косовскиот премиер Албин Курти ја потпишал одлуката за формирање на Меѓуресорска комисија за оценување и започнување на преговарачки постапки во врска со отворањето фабрика за производство на муниција и лабораторија за проектирање на беспилотни летала на Косово.
Порталот наведува дека беспилотните летала како оние што ќе се произведуваат достигнуваат максимална брзина до 95 километри на час и носат тежина до еден килограм.
„Дукаѓини“ посетува на една таква поранешна фабрика во Србица, во која биле вработени повеќе од 300 луѓе и имала четири одделенија за преработка, а нејзиниот капацитет бил до 4.500 куршуми на час.
Меѓуресорската комисија, која може да ги покрене потребните процедури за повторно отворање на оваа фабрика, има можност да произведе муниција, дури и фиксирана на оваа локација која има површина од речиси 19 хектари.
Во врска со одлуката на Владата, ТВ „Дукаѓини“ побарала одговор од Кабинетот на претседателката на Косово, Вјоса Османи. Нејзиниот советник за медиуми, Беким Купина во писмена реакција вели дека Османи токму за ова прашање е на разговори со тамошното Министерство за одбрана.