Пратеникот на СДСМ, Фатмир Битиќи вчера порача дека на денот на прославата на албанското знаме во Скопје се случиле неколку несекојдневни и неразбирливи работи. Една од работите, според него, е поделбата на главниот град вечерта на 28-ми ноември.
-Во поновата историја не паметам градот да биде поделен на два дела – десно и лево. Не им се дозволи на било кого од левата страна да премине на десната, па дури и тие што славеа и спонтано се собраа. Требаше да излезам и да кружам на различни страни за да стигнам до Влада. Мислам дека во суштина е последици на неколку работи. Не сакам да верувам во одредено сценарио, но вообичаено кога сакате да избегате од реалните проблеми, се случуваат меѓуетнички проблеми и конфликти. Веројатно како општество сме склони да внимаваме и се плашиме дека тоа може да наруши. Славењето на 28 ноември се случувало и порано и немало такви инциденти, кажа Битиќи во емисијата „Само вистина“.