Мајката на Стефанос Циципас, Јулија Апостоли (60) во руски поткаст проговори за Новак Ѓоковиќ. Нејзините изјави кренаа голема прашина во медиумите во Србија.
– Тие што го осудуваат Новак мора да разберат некои работи. Имав повеќеслоен живот. Извесно време живеев во Белград, па зборувам српско-хрватски. Иако сите пишуваат дека Новак е Србин, тој всушност е Бошњак по род. Тој само избра една од националностите што живееле во поранешна Југославија – рече Јулија.
Мајката на Циципас го пофали Ѓоковиќ.
-Новак е човек кој самиот се создал, не користел ПР, маркетинг и слично. Тој влезе во светот на тенисот кога Федерер и Надал беа на својот врв. Тие беа татковци на тенисот. Новак тогаш не беше познато име, но со текот на времето покажа и докажа дека се е можно.
Таа го спомна и воспитувањето на Ѓоковиќ и бомбардирањето на Србија од страна на НАТО.
-Ѓоковиќ имаше тешко детство и тоа може да се објасни. Како дете морал да се крие во засолништа поради бомбардирањето. За тоа време Федерер порасна во среќна земја – Швајцарија.
Јулија Апостоли е родена во Москва и е поранешна тенисерка и мајка на Стефанос Циципас. Нејзиното најдобро место во кариерата беше 194. во сингл и 130. во двојки, а играше и за Фед куп тимот на Советскиот Сојуз.
По тенисот дипломирала новинарство на Универзитетот во Москва и се омажила за Апостолос Циципас, со кого има два сина. Некогаш таа беше тренер на нејзиниот помлад син Петрос, додека нејзиниот сопруг го тренираше Стефанос.