115
Четирикратниот светски шампион во Формула 1, Холанѓанецот Макс Верстапен во петокот објави дека го очекува своето прво дете со Кели Пике, ќерката на тројниот шампион Нелсон Пике.
„Мини Верстапен-Пике на пат. Не можевме да бидеме посреќни со нашето мало чудо“, објави парот заедно на Инстаграм пред последната трка сезонава во Абу Даби.
Тоа ќе биде второ дете за Кели Пике, која има ќерка со поранешниот руски возач на Ред Бул, Даниил Квјат, родена во 2019 година.
Холандскиот возач Верстапен ја освои својата четврта последователна титула со Ред Бул во Лас Вегас минатиот месец.