Керик се сели во Премиер лигата?

Мајкл Керик се обидува да стигне до Премиер лигата со Мидлсброу, но резултатите не се баш добри, иако тимот во моментов е во првите пет екипи.

Јасно е дека има место само за тројца од Чемпионшип следната сезона во Премиер лигата, а Мајкл Керик би можел по скратен пат до елитното натпреварување во Британија.

Сепак, не со овој клуб, туку со тимот во кој ја започна својата професионална кариера.

Тоа е Вест Хем, каде што сопствениците размислуваат да го отпуштат Лопетеги, на кого не му оди во последниот месец, а многумина ќе кажат дека ја изгубил соблекувалната и дека е потребна свежа крв.

Голем е бројот на тренери кои се поврзуваа со „чеканите“, меѓу нив се и Консеисао и Алегри, но од денеска тоа е и Мајкл Керик.