Израелски воени авиони извршија напади во Сирија, насочени кон голем број локации, вклучително и единици за противвоздушна одбрана, соопшти Сириската опсерваторија за човекови права. Набљудувачката група соопшти дека израелските напади биле насочени кон воени локации во сирискиот крајбрежен регион Тартус.
Една експлозија, како што пренесува Дејли Мејл, била снимена од сензори за земјотрес. Експлозијата, се додава, била толку голема што била означена како земјотрес со јачина од 3 степени според Рихтеровата скала.
Според истражувачот Ричард Кордар, експлозијата била откриена од станица оддалечена 820 километри во Исник во западна Турција. Тој додаде дека сигналот патувал околу „двојно побрзо“ од нормален земјотрес.
A Massive Explosion seen in Northwestern Syria near the City of Tartus, following an Israeli Strike against a Munitions Depot; with the Explosion reported to have been so large, that it measured as a 3.0 Magnitude Earthquake on nearby Seismic Sensors. pic.twitter.com/i1jC1vNjVJ
— OSINTdefender (@sentdefender) December 15, 2024
Тартус беше локација на една од двете руски воени бази во Сирија и се користеше како поморска база, како и складиште за муниција. Голема експлозија, како и секундарни експлозии, може да укажуваат на присуство на големо количество складирано оружје.
Руското Министерство за надворешни работи претходно денеска соопшти дека евакуирало дел од својот дипломатски персонал од Сирија, една недела по падот на диктаторот на земјата Башар ал Асад.
Поморската воена база првпат беше основана од Советскиот Сојуз во Тартус во 1971 година. Путин нареди проширување на базата во 2017 година, откако Асад го даде објектот на бесплатен закуп од 49 години во замена за помош да го задржи на власт.