Пол Погба, некогаш најплатениот фудбалер во светот, очигледно си најде нов клуб со финансиска поддршка на компанија за ескорт. Французинот треба да потпише за бразилски Коринтијанс.
Погба е слободен да избере нова средина откако го напушти Јувентус, го поврзуваа со Марсеј, но Бразилците прават се за тој да заврши во Сао Паоло.
Коринтијанс добил писмо од компанија за ескорт за да му помогне финансиски да го доведе поранешниот ас на Манчестер Јунајтед и Јувентус, по што веста во фудбалскиот свет се прошири со брзина на светлината.
Погба би можел многу лесно да ја прифати таа понуда, особено што таму веќе е Мемфис Депај, поранешен напаѓач на Јунајтед, Барселона и Атлетико Мадрид.
Полесно би се вратил во форма во бразилската лига отколку во посилна, со оглед на тоа што од суспензијата поради допинг нема играно долго време и дека ќе почне да тренира во јануари кога ќе му истече казната.
Да потсетиме, Погба првично беше суспендиран на четири години надвор од фудбалот, но казната му беше намалена на 18 месеци, за да може да се врати на почетокот на новата година.