Рускиот претседател Владимир Путин одговори на шест прашања на американски новинар на годишната прес-конференција и „Директна линија“.
Американски новинар го праша Владимир Путин каков однос ќе има со новоизбраниот американски претседател Доналд Трамп, имајќи предвид дека тој го пречекува Трамп како послаб лидер од него поради неколку причини – неисполнети цели во Украина и пораз во Сирија. Тој праша и за убиството на рускиот генерал Игор Кирилов, како и за тоа дали може да помогне да се најде американски новинар кој исчезна во Сирија, чија мајка испратила срцепарателно писмо.
– Не сум разговарал со Асад, но планирам, возрасни луѓе сме. Знаеме каква беше ситуацијата во Сирија, знае ли самиот Асад што му се случило… Но, тоа прашање дефинитивно ќе го поставам, а можам да го поставам и на луѓето кои сега ја контролираат ситуацијата на теренот – изјави Путин.
Кога станува збор за новоизбраниот претседател на Америка, рускиот лидер истакна дека нема планови за нивна средба, но дека е подготвен за тоа.
– Подготвен сум да се сретнам во секое време. Рековте дека тогаш ќе бидам во ослабена позиција. Ве повикувам почитуван колега затоа што и покрај прогонот на нашиот печат ви дозволуваме да работите нормално. Сите вие сакате Русија да биде во ослабена позиција. Јас мислам поинаку, стануваме навистина суверена земја, која многу малку зависи од некој. Ги зајакнуваме и борбените способности, тоа е на највисоко ниво во светот, тоа важи и за одбранбената индустрија – вели Путин.
На прашањето за неостварените цели во Украина, тој одговори со потсмев и го цитираше Марк Твен.
– Практично сите земји од НАТО се во војна со нас. Зборувавме за нашата инфлација и што се случува таму. Една граната пред две години чинеше две илјади евра, сега чини осум. Нема да бидат потребни само два отсто од БДП за одбрана, како што инсистира Трамп, а три отсто ќе бидат мали за НАТО. Внатрешната состојба на руската армија е како ниедна друга војска во светот. Затоа мислам дека Русија денес во голема мера се засили. Ќе ве потсетам на зборовите на Марк Твен: „Гласините за мојата смрт се многу претерани“, рече Путин.
Тој опиша и како изгледала ситуацијата во Сирија пред падот на Асад и посочи дека не мисли оти Русија доживеала пораз.
„Русија не доживеа пораз во Сирија“
– Вие и тие што ве плаќаат сакате да го прикажете како руски пораз. Но, тоа не е така. Дојдовме во Сирија пред 10 години за да не се појави терористичка енклава таму како во Авганистан. Успеавме да го направиме тоа. Не случајно сега европските земји и Америка воспоставуваат односи со Сирија. Ако се терористи, што би направиле? Но, терористите ослабеа, сите го знаат тоа, па не гледам како е ова наш пораз. Кога вооружените бунтовници се приближиле до Алепо, градот го бранеле околу 30.000 луѓе. Тие се повлекоа од борбата, заедно со проиранските милиции. Пренесовме 4.000 проирански единици во Техеран од базата Хмејмим, тие побараа помош од нас. Денеска ситуацијата е комплицирана, сметаме на тоа да дојде мир таму и одржуваме односи со сите групи кои ја контролираат ситуацијата. Повеќето велат дека се заинтересирани нашите воени бази да останат во Сирија, но ние мора да размислиме за тоа. Понудивме да ја користиме воздухопловната база Хмеимим за испорака на хуманитарна помош – му одговори тој на американскиот новинар, на кого потоа му се заблагодари што го прашал за убиството на Кирилов.
– Го употребивте зборот атентат и ви благодарам за тоа. Украинските терористи претходно ги извршија истите напади, но никогаш не сме слушнале осуда на такви терористички напади од Запад – рече тој.
Иако портпаролот на Кремљ, Дмитриј Песков сакаше да продолжи со други прашања, Путин рече дека „сака да слушне од својот американски колега дали има нешто друго да праша“.
Путин: „Човекот со чудна фризура сака Украинците да се борат до последниот човек“
Потоа доби прашање дали е подготвен на компромис во Украина.
– Политиката е компромис. Подготвени сме за преговори и компромиси, но спротивната страна ги одби. Веќе постигнавме некои договори во Истанбул во 2022 година и по стоти пат повторувам дека украинската страна се согласи со тоа, па се повлекоа. Јасно е зошто, дојде Борис Џонсон, човек со чудна фризура и рече дека мора да се борат до последниот Украинец. Тоа сега се случува – рече Путин.