Во искрен разговор за Today.com, Енди Мекдауел нагласува дека чувството на удобност во сопственото тело е континуиран процес кој бара секојдневна посветеност.
„Секој ден морам да се потсетувам да се сакам себеси. Толку е важно да ја препознаеме сопствената вредност и да внимаваме што си кажуваме затоа што нашиот ум може да ни одигра големи трикови. Процесот на стареење навистина ве учи многу за тоа бидејќи има работи кои се неизбежни… кои се дел од процесот“, истакнува актерката.
Иако спомна дека ја прифаќа својата сега позната сива коса, Мекдауел вели дека не е обожавател на терминот „прифаќање“ и избира да се „романтизира“ или „прослави“ како што старее.
„Најдете начин да ја видите убавината на тоа. Убавината на вашиот стомак, убавината на вашата форма додека се менува, убавината на вашиот врат. Мислам дека треба да барате начини да го прославите начинот на кој се трансформирате како што стареете, бидејќи тоа е дел од процесот“, објаснува таа.
„Луѓето не треба да се хранат со стандарди кои навистина е невозможно да се постигнат, туку треба да велиме каде сме и да кажеме, и ова е убаво. Тоа е друго време, а јас сум во друго тело, во друга состојба, но сепак сум убава. Стареењето е во ред и мора да биде во ред бидејќи тоа е нешто што ни се случува“, вели Мекдауел, која е мајка на три деца и наскоро ќе стане баба.
Мекдауел одржува активен животен стил кој вклучува дневни утрински прошетки на плажа и поставува цел од 8 километри на ден. „Рано утринското изложување на сонце ми помага со мелатонин и квалитетот на спиењето“, објаснува актерката.