Дани Олмо (26) летово се врати во Барселона кога клубот го купи од Лајпциг за 55 милиони евра. Сепак, Барселона и Олмо имаат големи проблеми. Фудбалерот кој има 15 настапи и шест гола за Барселона има потешкотии да се пријави за следната година. Имено, регистрацијата на Олмо од 1 јануари е под знак прашалник поради прекршување на одредбите за финансискиот фер-плеј од страна на Барса.
Затоа денеска во судот во Барселона се фудбалскиот клуб Барселона од една страна и Игнасио Фернандез де Сенеспледа, судијата на Ла Лига од друга страна. „АС“ пишува дека одлуката дали на Олмо ќе му биде дозволено да се регистрира ќе биде донесена на 27 декември, но дека денеска е првиот состанок на оваа тема.
Истиот извор наведува дека Барселона е убедена дека нејзината молба ќе биде позитивно решена, бидејќи за тоа одлучува судијата кој во сличен случај му дозволил на Гави да игра за Барса. Во овој случај, клубот, како и во случајот со Гави, бара на Олмо да му се даде едно од основните човекови права, а тоа е правото на работа.
„АС“ наведува дека минатата недела во Барселона била одржана средба меѓу Дани Олмо, неговиот татко Мигел и адвокатот Рамон Валенсија и врвот на Барселона. Тие му гарантираа на играчот, кој има клаузула во договорот дека може да го напушти клубот на 1 јануари доколку не биде пријавен, дека неговата иднина во Барселона е сигурна.
Од клубот го уверуваат дека сега ќе го регистрираат не само до крајот на следната сезона или година, туку до крајот на неговиот договор. До летото 2030 година, за да се избегнат непријатни изненадувања како што е сегашното. Но, за тоа треба судијата да одлучи во корист на Барселона.
Шпанците додаваат дека за такво нешто Барселона мора да добие значителен прилив на пари: „Или од потпишување договор со „Најк“, ВИП-боксови на новиот „Камп Ноу“ или од продажба на дел од компанијата Barca Vision“.