Иако често мислиме дека знаеме се за животот на познатите луѓе, вистината е дека знаеме само онолку колку што тие сакаат да знаеме. Или што велат нивните блиски извори, откривајќи интимни информации. На пример, не беше познато дека холивудскиот актер Бен Стилер поминал четири години одвоено од сопругата Кристин Тејлор.
Бен и Кристин одлучија да се разделат во 2017 година, а повторно се здружија во 2020 година поради пандемијата. Сепак, иако живееле под ист покрив, брачниот живот не бил толку идиличен како некогаш.
„Беше речиси една година живеење во иста куќа пред да бидеме заедно. Но, јас сум многу благодарен за тоа и мислам дека многу луѓе не се враќаат заедно кога ќе раскинат“, објасни Стилер за „Њујорк Тајмс“, објаснувајќи како никогаш не сакал да се раздели од сопругата.
Брачната криза дојде по филмот „Zoolander 2“ во 2016 година, а по разделбата актерот сфати колку го сака заедничкиот живот со сопругата и нивните две деца: Кога се разделивме, имав простор да видам каков е нашиот однос, каков беше мојот живот кога не бевме во таа врска, колку ја сакав нашата семејна единица“.
Додека гостуваше во емисијата на Дру Баримор, Тејлор проговори и за раскинувањето, објаснувајќи дека свесно ја задржале својата одлука само за себе бидејќи тоа не било нешто за што сакале јавно да зборуваат или нешто што го сфаќаат лесно.
Бидејќи пандемијата ги врати под ист покрив, таа објасни како овој период им дал толку многу време да разговараат без никакви други одвлекувања, а потоа можеле да ја поправат својата врска.