Бразилската ѕвезда на Ал-Хилал, Нејмар, нема да биде пријавен за вториот дел од сезоната во саудиската про лига, изјави лично тренерот на локалниот шампион Хорхе Жесус по убедливата победа од 9-0 над Ал-Фатех во четвртокот.
Како што е познато, 32-годишниот Нејмар има договор со Ал-Хилал само до лето. Бразилецот досега има само седум настапи за тимот од Ријад, постигнувајќи еден гол за 18 месеци од неговиот трансфер од Пари Сен Жермен во летото 2023 година. Тој се појави само двапати како замена откако ги скина предните вкрстени лигаменти и менискусот на левото колено додека играше за Бразил во октомври истата година.
„Нема да биде пријавен. Тој е светска класа, но, вистината е дека физички Нејмар повеќе не може да се претстави на нивото на кое сме навикнати да го гледаме“, рече Жесус.